Last 16-ah Sindhu leh Prannoy

Badminton Asia Championship 2024 khelh laiah PV Sindhu leh HS Prannoy te chuan an khingpui hnehin last 16 an lut. Indian player dangte erawhin beisei phak loin an zinkawng an zawh tawp thung a ni.

Ningbo, China-a inelna neihah Olympic medal vawi hnih la tawh Sindhu hian Goh Jin Wei chu 18-21, 14-21, 19-21 in a hneh, chak tur hian darkar khat leh minute li lai hun a hmang.

Sindhu hian tun hmain Badminton Asia Championship-ah hian bronze medal a la tawh, kum 2022 hnuah tun ṭum hi beisei a neih san lehna niin a match lehpekah chuan tualchhung nula Han Yue a hmachhawn leh dawn a ni.

Mipa singles lamah seeded pasarihna Prannoy pawh a chak hram - Indian tlangval hi Lu Guang Zu nen darkar khat leh a chanve an inkhelh hnuah 17-21, 23-21, 23-21 in a chak a, quarterfinal lut tur chuan Lin Chun-Yi a hneh a ngai dawn.

Tun ṭum inelnaah hian Indian player ṭha dang - Kidambi Srikanth leh Lakshya Sen te chu an tla tawh a ni. Paris Olympic awm kum a ni a, badminton inelna huangah hian ranking sang zual 16 chin an inlan dawn. Indian player-ten infiamna khawmpui lian hmachhawn phak turin ranking siamṭhat an mamawh tlang hle.