Samuela hnenah BJJ Black Belt hlan

Martial arts-a black belt thlen har berte zinga mi Brazilian jiu-jitsu black belt (white bar) chu April 10, Nilaini khan Samuel Lalrozama hnenah hlan a ni a, BJJ second degree black belt Bryan Daly chuan Mizo zinga a hmasa ber ni turin Samuel-a hi belt hi a hlan.

Samuel-a hi India ramah pawh BJJ black belt ni thei palina a ni - BJJ-ah hian black belt thleng turin kum 10 vel tal a ngai ṭhin a, BJJ-a colour belt (blue to brown) pawh India ramah 50 an la awm tling lo.

Grading petu world body lian ber IBJJF certified Samuela hi BJJ hmuchhuaktu chhungkaw zirtirte Grandmaster pahnih Joe Moreira leh Luiz Palhares hriatpuia belt hi hlan a ni a, Samuel-a hian black belt a dawn niah jiujiteiro ṭhenkhat hnenah belt sang zawk a hlan ve bawk.

Ju-Jujitsu Association of Mizoram (JAM) president Roṭhuamliana chuan Samuel-a belt dawn chu Mizo te leh Mizoram tan mellung pawimawh tak a nih thu sawiin, "Asian Games-ah BJJ a tel tawh a, medal la ngei turin theihtawp kan chhuah dawn," a ti.