Rajasthan an tlawm ve ta

Indian Premier League-ah Rajasthan Royals chuan tun season-a a vawi khat nan hneh loh an tawng a, Nilaini zan khan Gujarat Titans chu wicket thumin an hneh lo. Zanin dar 7:30 hian Lucknow Super Giants leh Delhi Capitals te an inkhel leh ang.

Sawai Mansingh Indoor Stadium, Jaipur-ah IPL inkhel hmuhnawm bik chhawp chhuah a ni. Titans-in vawm hmasak an thlang a, Royals lamin bul an ṭan chhe lo. Sanju Samson (68*) leh Riyan Parag (76) te hmangin over 20-ah 196/3 runs an siam a, chakpui tham a tling.

Mahse, Titans opener Sai Sudharsan (35) leh Shubman Gill (72) te an che ṭha a, chak theihna kawng a inhawng. Over 19-ah Titans hian 182/6 an siam a, over tawp berah 17 runs siam a la ngai. Gujarat tan Rashid Khan a che ṭha a, 24 runs a siam zinga 15 runs chu over tawp bera a vuakchhuah niin ball tawp berah four runs vaw chhuakin Titans a chakpui.