MFA Women's League Season 3 an ṭan

MFA Women's League 2023-24 chu nimin aṭang khan Lammualah khelh ṭan a ni a, match hmasa berah SYS FC 'A' chuan 14-0 in Ramhlun South club Lalhmachhuani Memorial FC chu an sawp. SYS tan hian Lalsangpuii Sailo chuan goal riat tehmeuh a khung.

Inkhel dangah Kulikawn FC-in 3-0 in Friends Club an hneh a, 1215'S leh Mizo Football News te 1-1 in an inhnehtawk. Laipuitlang club Mizo Football News-ah Grace Lalrampari, Cindy Remruatpuii, Thansangi leh Lalhruaizeli Khiangte (Nupuii) te an tel. Vawiinah MFN leh SYS FC an inkhel dawn a, a hmuhnawm ang.