Last 16-ah Sindhu a tla

Badminton Asia Championship khelh laiah PV Sindhu chu last 16 paltlang zo loin a zinkawng a tawp - Indian nula hian insiamṭhat tumin bei viau mah se atan season duhawm a la ni thei rih lo.

Ningani zan inkhelah Olympic medal vawi hnih dawng tawh Sindhu hian seeded parukna Han Yue chu 18-21, 21-13, 17-21 in a ngam lo. Chinese nula nen hian vawi nga an intawn tawhah chak ni hmel a la hmu ve miah lo a ni.

Sindhu chauh a ni lo - hmeichhe doubles huangah pawh Tanisha Crasto leh Ashwini Ponnappa te pawh an chak lo. Japanese pair leh Nami Matsuyama leh Chiharu Shida te ṭangdun lakah 17-21, 12-21 in an tlawm.

Nipui laiin Paris Olympic neih a ni dawn a, infiamna khawmpui liana badminton inelna huangah hian ranking sang zual 16 chin an tel dawn. Tun dinhmunah Sindhu hi world number 11 a ni a, tlahniam loa a ranking vawnhim theih a pawimawh.