US-ah Rinpuia feh chhuak dawn

India Community Centre (ICC), USA chuan thla li awh International Training Camp a buatsaih dawn a, he training atan hian Mizo tlangval TT khel thiam Lalrinpuia chu coach atan sawm a ni.

Rinpuia chuan, "India Community centre (ICC) training centre hnuaiah coach/trainer angin ka awm dawn a. Thla li chhung vel atan kan inbia," tiin Vanglaini a hrilh. Coaching a pekna tur hi Milpitas, Carlifornia-ah a ni ang.

April 18, Ningani hian US a pan dawn, zin tur hian visa leh a ṭul dangte chu tihfel vek tawh a ni. A zinna senso bakah hlawh ṭha tak pek a ni dawn a, a awmna leh ei leh in pawh engkim ruahmansak vek a ni dawn bawk.

Mizoram Table Tennis Assocaition (MTTA) chuan Mizo tlangvalin hetiang hun remchang a nei thei hi an lawmpui a, ṭha taka a mawhphurhna te a hlenchhuah theih nan duhsakna an hlan bawk a ni.