Powerlifting - India rama ropui ber Mizoram

National Senior Classic Powerlifting Championship 2024-ah Mizoram team an champion a, gold medal pariat, silver medal panga leh bronze medal paruk an hlawh chhuak a, Best Discipline 2nd Runner Up lawmman leh Best Lifter 2nd Runner Up lawmman an rawn hawn bawk.

April 8 aṭang khan inelna hi Hyderabad, Telangana-ah neih ṭan niin, Mizoram Powerlifting Association (MPA) chuan lifter paruk leh official pahnih a tir a, hlawhtling takin an lo haw.

Mizoram team hian Inrinni khan Lengpui an lo thleng a, he hunah hian MPA chuan anmahni hmuahna leh lawmna hun an lo siamsak a ni.