Leeds United an chak lo

Premier League kir leh tura inbuatsaih mek Leeds United-in Championship hmahruaitu nihna remchang nei mah se, Blackburn Rovers lakah 1-0 in an tlawm a, automatic-a Premier League khel tur chin top two aṭangin an chhuak leh rih - tlak hlau Blackburn Rovers tan Sammie Szmodics chuan inkhela goal awmchhun a khung.

Leeds ang thoa Premier League khelh phak tum Ipswich Town an chak zo bik lo a, Middlesbrough nen 1-1 in an inhnehtawk. Boro tan Emmanuel Latte Lath chuan goal hmahruai a khung a, Massimo Luongo chuan minute 30-naah si phurh sutna goal khungin, goal dang a lut tawh lo.

Zirtawpni zan khan Leicester City chuan 1-0 in Plymouth Argyle an ngam lo a, Mustapha Bundu chuan inkhela goal awmchhun a khung - Foxes chak loh vangin Leeds leh Ipswich tan chance a ṭha sawt a, mahse, an chak zo lo ve ve.

Ipswich Town-in hmahruai mekin, Foxes chu Leeds nen an inkarah, pahnihnaah an awm a, mahse, Leicester hian team pahnih aiin match khatin an khel tlem - an khelh hmabak match khatah hian chak se, table hmahruaitu an ni leh thei ang.