Fiorentina beisei a tawp?

Italian club Fiorentina chuan season thara Champions League khel thei turin beiseina an nei tawh lo tluka ngaih a ni. Inrinni zan khan an mikhual Chievo nen goal awm loin an inhnehtawk.

Paulo Sousa naute hian tun hnaia an league match hnuhnung vawi 10 aṭangin ṭum khat chiah an chak a, match 36 an khelh tawh aṭanga point 60 hmuin an aia match hnihna khel tlem zawk Inter Milan chu point liin an phak lo mek.

Inkhel dangah Udi-nese an mualpho a, tla-hniam thei dinhmuna ding mek club hi Torino lakah 5-1 in an tlawm. Udinese hian match 36 khelh tawh aṭanga point 38 hmuin 18-na dinhmuna awm Palermo aia match khata khel tam zawk chungin point rukin an sang zawk rih.