NBA Conference Semifinals Thunder lakah Spurs chak nghal

Nimin zing khan NBA Western Conference se-mifinals Game 1 inkhel-ah San Antonio Spurs chuan Oklahoma City Thunder 124-92 a hnehin best of seven series-ah 1-0 in hma an hruai. Naktuk zing dar 7:00-ah Game 2 an khel zui ang.

AT&T Center, San Antonio-ah mipui 18,418 zet an pungkhawm a, inkhel ṭan phat aṭanga Spurs chungnung zawkin quarter hmasa berah 43-20 niin point 23 zetin an sang fal nghal.

Quarter hnihna leh thumnaah pawh Spurs hi chungnun chhunzawmin Thunder hian quarter hnuhnung berah 26-19 in hmu hnem zawk ve mah-se an pawt thla zo tawh lo. Spurs tan LaMarcus Aldridge chuan tun sea-son-a chet ṭhat ber ṭum tawngin point 38 a score.

Conference Semi-finals khel tur hian Cleve-land Cavaliers, Atlanta Hawks, Portland Trail Blazers leh Golden State Warriors te pawh an lo tling tawh. Hmun ruak pahnih la awm hi Maiami Heat leh Charlotte Hor-nets (Series 3-3) bakah Toronto Raptors leh In-diana Pacers (Series 3-3) ten an inchuh mek bawk.