Chen Long hnehtu Chong Wei champion

Asian Badminton Championship final chu nimin khan khelh niin Lee Chong Wei chuan world number 1 Chen Long hnehin champion nomawi a chawi.

Wuhan-a inkhel in-hneh-tawk takah kum 33-a upa Malaysian shuttler Chong Wei hian darkar khat leh minute 22 chhungin world champion vawi hnih lo ni tawh Chen Long lakah hian 21-17, 15-21, 21-13 in hnehna a chang. Chong Wei-a'n Chen Long hi vawi 12 a hneh ta a ni.

Kum 2006 khan Bad---minton Asia Cham-pionship-ah hian a lo champion tawh a, kum 10 liam hnuah hlawh-tlinna a chang ve leh ta a ni.

World num-ber 2 Chong Wei hian January khan Malaysia Masters GP Gold title a lak hnuah May-ah khan Malaysian Open final-ah Chen Long hi a lo hneh tawh bawk.

Chong Wei hian Inrinni khan semifinal-ah Olym-pic gold medal vawi hnih lo dawng tawh Lin Dan chu 22-20, 15-21, 21-4 in a hneh a, Asian Badminton Championship champion ni tur hian a khel ṭha tluang hle a ni.

Chong Wei hian a thil tum ber chu Augus-a neih tur Rio Olympic-a champion a nih thu a sawi a, 2008 Beijing leh 2012 London Olympic-ah te khan silver medal a lo dawng tawh a; kuminah hian champion tura rinkai ber a ni ang.

Champion Chong Wei hian lawmman atan Rs 9,96,359.25 a dawng a, pahnihna Cheng Long-a'n Rs 5,04,822 a dawng thung.