Magpies an him? Sunderland dinhmun a derthawng

Season thara Premier League khelh chhunzawm tum inum boruak a sang chho zel a, Inrinni zan khan Newcastle United chuan an beiseina chhi nung turin Crystal Palace chu 1-0 in an hneh.

Tlak hlau inkhel dangah Sun-derland an vannei a, injury time-a Jermain Defoe penalty hmang-in Stoke City chu 1-1 a inhneh-tawkpuiin beiseina an la nei ve zel.

Arsenal-in Champions League khelh zel an inbeiseina chhem nung turin Norwich City chu 1-0 in an hneh a, season thara Premier League khel zel tura Canaries beiseina erawhin chuai lam a pan thung.

Magpies harhtharna

Rafael Benitez-a'n Newcastle United a enkawl hnuah hmalam panin an kal zel a, league match li chhung a zawna tlawm hmel an hmuh lohna ni turin Palace chu 1-0 in an hneh a, relegation zone an chhuahsan.

Magpies tan Andros Town-send chuan minute 58-naah free-kick aṭangin goal ropui a khung a, Crystal Palace-in minute 70-naah penalty hmangin si phurh sutna hun ṭha nei mah se an chhawr ṭangkai thei lo.

First choice keeper Tim Krul leh second choice Rob Elliot in-hliam vanga inlan third choice keeper Karl Darlow chuan Yohan Cabaye penalty pet chu a dang a, season thara Premier League khel zel turin Crystal Palace dinhmun a him bik ta lo.

Newcastle boss Rafael Beni-tez chuan, "Palace hneh hi kan tan chuan a lawmawm a, inrintawkna leh fan-te nena inzawmna ṭha tak min siamsak a ni," tiin a phur hle.

Sunderland an vannei

Jermain Defoe-a'n Sunder-land tan injury time-ah point khat hlu tak hlawhchhuak mah se relegation zone-ah Black Cats an tla thla a, khualmualah Stoke City chu 1-1 in an inhnehtawkpui.

Stoke City hian Marko Arnau-tovic goal sawisel hlawh tak hmangin hmahruaina goal an khung a, Austrian forward goal khung tur siamsaktu Peter Crouch chu Black Cats defender Younes Kaboul lakah foul niin lang mah se referee-in a ham tlat lo.

Sunderland talbuai chhun-zawm mah se minute 93-naah Defoe chu Geoff Cameron-a'n a tih tluk avangin chak tura inngai mualneitu team-in penalty an chawi a, English striker Defoe-a'n goal-ah a chantir.

Black Cats-in khelh khata khel tlem zawk chungin an chung chiaha awm Magpies chu point khatin an phak lo a, league table-a 18-na ni mek team hi an dinhmun a derthawng tawh hle.

Arsenal an chak

Emirates Stadium-a Arsenal fan-ten manager Arsene Wenger chhuak tura an nawrna authawm vel karah Gunners chuan 1-0 in Norwich City an hneh a, pa-thumna dinhmun luahin Cham-pions League an beisei zel.

Arsenal tan substitute Danny Welbeck chuan minute 59-naah he inkhela goal awmchhun hi a khung a, English striker goal khung hma hian Gunners fan-ten an player-te khelh danah lawmna tur an hmu lo.

Arsenal manager Arsene Wen-ger chuan, "Fan-ten lungawi lohna an lantir dawn tih hi hrilh lawk thlap kan ni. Fan-te hlimna thlen ka duh a, an duh ang ka thlen thei lo a nih chuan ngaih-dam ka dil. Fan-te hlimna ka pe zo lo a nih chuan pawi ka ti a, he club hi ka zahin ka theihna zawng zawng ka pe ṭhin a, mite tana hlimna thlentu nih hi ka duh a ni," tiin Gunners fan-te lungawi lohna chungchang a sawi.