Russia-ah Rosberg bawk

Formula 1-ah season hmasa khan Lewis Hamil-ton-a'n hnehsawh takin world champion dinhmun a luah a, British driver a champion chian tawh hnuah a team-mate Nico Rosberg a rawn langsar ve thung. Mahse, kuminah erawh intliansiak pali an neih tawh aṭangin German driver Rosberg el pha an la awm lo.

Pathianni khan Russian Grand Prix tlan a ni a, qualifying lama che ṭha Mercedes driver Rosberg chuan pole position aṭanga bul
ṭanin pakhatna dinhmun a luah zui. Mercedes driver pakhat zawk Hamilton erawh qualifying naah a engine chian loh vangin 10-na aṭangin intlansiak bul a ṭan phak chauh thung.

World champion Hamilton hi intlansiak takah erawh beisei phak bakin a che ṭha a, pahnihna dinhmun a luah phak hial! Ferrai driver Sebastian Vettel erawh lap khatna lekah Daniil Kvyat nen an intihpalh vangin a intlansiak chhunzawm thei lo.

Tun season intlansiak pali awm tawh aṭanga hnehna la chang vek Rosberg hian world championship-ah point 100 hmuin hmahruaitu a ni a, seasson hmasa tawp lam intlansiak pathuma hnehna a chang zawn thei kha a vanneih vang ni loin a thiam vang a ni tih a chiang tawh. Hamilton chuan point 57 hmuin pahnihna dinhmun a luah a, Mercedes driver pahnih hnungah hian Kimi Raikkonen (43) a awm ve bawk.

Kuminah hian Grand Prix 21 a awm dawn a, May 15 khian Spanish Grand Prix an tlan zui leh ang.