Chile squad-ah Sanchez leh Vidal

Champion lai Chile chuan Copa America Centenario khel tur preliminary squad an puang a, Arsenal for-ward Alexis Sanchez leh Bayern Munich mid-fielder Arturo Vidal te chu player langsar an ni.

Juan Antonio Pizzi-a'n player 40 hming a tarlan zingah mipui barakhaih tur vak a awm hran lo a, Felipe Campos, Marcelo Larrondo, Jeisson Vargas leh Marcos Bolados te chuan ram tana inlan theihna hun ṭha neih theih an beisei sang ve hle. May 20 khian player 23 thlan chhuah an ni leh ang.

Nikum khan Copa America khelh ni mah se kumin hi a kum 100 tlin champha a nih avangin June thla khian United States-ah inelna hi neih leh tur a ni. Chile hian nikum khan final-ah Argentina hnehin champion nomawi an lo chawi tawh. Chile hi Group D-ah Bolivia leh Panama te nen an awm ho a ni.