Bengaluru-ah Aizawl FC fiahin awm dawn

Zanin dar 9:00 hian Sree Kanteerava Stadium-ah Bengaluru FC leh Aizawl FC te an inkhel dawn a, Federation Cup semifinal lut hmasa ber hriat nan hun rei nghah a ngai tawh lo.

Player ngai

Aizawl FC coach Jahar Das-a'n RG Stadium-a I Lea-gue champion 2-1 a an hneh ṭuma player 18 bawk Bengaluru-ah a hruai a, Pathianni zan khan inelna neihna tur hmun an thleng.

MPL champion tan semi-final lut turin goal chhuah loh a tawk a, chutihrualin Mual-puiah Blues tan Eugeneson Lyng-doh-a'n goal a khung avangin Bengaluru FC hi 1-0 a an chak chuan an tlang lawi si. Ashley Westwood-a hote hian I League-ah Aizawl FC hi 1-0 in vawi hnih an hneh a, an intum tawhna thlirin Mizoram club hi an la him lo.

Aizawl FC tan result ṭha nei nawn tur chuan keeper Soram Poirei a pawimawh dawn a, tlarhnung pali Ric-ky Lallawmawma, Lal-chhawnkima, Emma Chigozie leh Lalruatthara bakah mid-fielder Yuta Kinowaki ten hna ṭha tak an thawh a ṭul dawn. An match hnuhnung ber aṭanga thlirin I League-a khel ṭha defender Lalramchullova tan hmun a awm rih lo niin a lang.

Goal an khung thei a nih ngat chuan Jahar Das-a hote dinhmun a ṭha dawn a, hero of the match-a thlan Alfred Kemah Jaryan leh Joel Sunday te chu Blues defender-te tan ven uluk a ṭul dawn a, striker pahnih chawm tur hian winger pahnih Albert Zohmingmawia leh Brandon VL Remdika bakah playmaker captain David Lalrinmuana te an talbuai loh a ngai ang.

Blues - 100%?

First leg-ah Aizawl FC chak mah se Bengali coach Jahar Das-a'n semifinal an luh theih dan chu 50% a nih thu a sawi. Hetihlai hian Federation Cup champion lai coach Ashley Westwood chuan 100%-in semifinal an thlen chian thu a sawi thung.

Manchester United aca-demy chhuak Westwood a ṭawng pawr a, amaherawhchu Mualpuiah Udanta Singh tih loh chu Mizo defender-te'n dan harsa an ti hran lo. Bengaluru hian ni 14 chhungin match li an khelhna tur chiah a ni a, an zin kual nasat bawk avangin ngai an la awh lo. Aizawl FC tan semifinal luh theihna kawng a inhawng zau hle.