Mohun Bagan chakna Jeje goal

FPAI player of the year atana thlan thar Jeje Lalpekhlua'n goal hnih a khung a, nimin tlai khan Mohun Bagan-in Tilak Maidan Stadium-ah Salgaocar 3-2 in an hneh a, Mizo tlangval hi Hero of the Match a thlan a ni.

Kolkata club hian Federation Cup-ah vawi 13 an champion tawh a, May 5 hian Kolkata-ah second leg an khel leh ang.

AFC Cup-a knockout stage lut tawh Mariners hi a sang pali zinga an inhlangkai thei a nih chuan semifinal-ah Shillong Lajong emaw East Bengal emaw chak zawk an hmachhawn ang.

Kolkata club hian Bengaluru FC laka I League nomawi an chân hnuah Federation Cup an ngai pawimawh lehzual. Mariners hian Mizo tlangval Jeje goal hmangin minute khatna lekah hma hruai mah se Greens-in Scottish midfielder Martin Scott (26') leh Cameroonian Calvin Mbarga (31') hmangin an chhang let a, Bagan hian Abhisek Das (77') hmanga an siphurh an sut hnuah Jeje-a'n minute 85-naah chakna goal a khung.

Goan club hian coach Santosh Kashyap an ban a, a assistant coach Mario Soares-a'n a enkawl a, Goa midfielder hlui hnuaia an match hmasa berah Greens an chak lo.