CYMA Cricket Entry fee pe an la tam lo

Central YMA chuan April 24, Nilaini aṭangin CYMA Cricket Tournament a buatsaih dawn. Entry fee hi Rs 500 a ni a, April 19, Zirtawpni ral hmain Central YMA Office-ah leh Gpay no. 9774263515-ah a pek theih. Nimin thleng kha chuan entry fee pek hi team 10 a la tling lo.

CYMA Cricket inelnaah hian CYMA hnuaia branch pakhat aṭangin team pakhat a tel theih a, team khatah hian player 20 leh coaching staff pathum a awm theih. Player-te hi an awmna branch-ah ngei an khel tur a ni a; Branch member chin hi YMA Pem Lehkha/Testimonial January, 2024 hma lam chin pawm a ni ang.

AMC Area pawn Branch bikah Branch-in player a nei daih lo a nih chuan an khaw chhung a mi Branch dang member an sawm belh thei ang. Players chungchangah inchuh buai/inhnial buaina a awm chuan, player chuan a duhna Branch a thlang thei ang.

Mizoram pawna Group YMA-te chu Group YMA hminga chhuah phal a ni. Vuak Hawn leh fixture tlangzarh hi April 22, 2024 zan dar 8:00-ah Bawngkawn South YMA Hall, Auditorium-ah neih tur a ni.

CYMA cricket hi kum 2003 aṭang khan neih ṭan a ni a, champion hmasa ber chu Armed Veng an ni. Champion lai leh champion ngun ber chu Ramhlun Venglai an ni a, vawi nga an champion tawh bakah a hnuhnung pathumah an champion zawn bawk.