D Licence Course an zo fel

Mizoram Football Association leh All India Football Federation ṭangkawpin an buatsaih, AIFF 'D' Certificate Coaching Course chu April 13, Inrinni khan zawh fel a ni. Course Instructor hi Danny Lalduhawma (AFC 'A') a ni a, Co-Coach Educator-ah Samson Ramengmawia (AFC 'B') leh Coordinator -ah Lailianchhunga Chinzah (AFC 'C') te an awm. Coaching course hi April 9, Thawhlehni aṭang khan YLA Lawngtlai Vengpui Ground-ah ṭan a ni.

AIFF 'D' Certificate Coaching Course-ah hian Mizoram hmun hrang hrang aṭangin mi 27 an tel thei a, Coaching Course kharna hun hi MFA EM & Lawngtlai DFA te'n an hmanpui a ni. Mizoram Football Association chuan AIFF nen ṭangkawpin, AIFF 'D' Licence Coaching Course bakah, AFC 'C' Diploma Course a tam thei ang ber buatsaih tumin hmachhawp a nei mek a ni.