CSK leh KKR an chak

IPL-ah Chennai Super Kings-in Mumbai Indians chu 20 runs-in an hneh a, Pathianni inkhel dangah Kolkata Knight Riders-in wicket rukin Lucknow Super Giants an hneh bawk. Zanin dar 7:30 hian Kolkata Knight Riders leh Rajasthan Royals te an inkhel ang.

Wankhede Stadium-ah Mumbai Indians-in vawm hmasak an thlang a, Royal Challengers Bengaluru lakah an target 197 awlsam taka an umphak avangin an thutlukna hi a hriatthiam awm hle.

Super Kings tan captain Ruturaj Gaikwad-a'n 69 runs a siam a, Shivam Dube-a'n thi loin 66 runs a siam bakah MS Dhoni-a'n ball li lekah 20 runs a a vaw chhuak a, 206 runs an siam.

Mumbai opener Rohit Sharma a che ropui a, ball 63-ah 105 runs a siam. Mahse, Rohit hian thlawptu ṭha a nei lo a, over 20-ah 186/6 runs chauh an tlin. CSK-in hnehna an chang a, match rukah point riat hmuin pathumnaah an awm.

Kolkata Knight Riders-in Lukcnow hneh turin harsatna an tawk lo. Super Giants hian over 20-ah 161/7 runs chauh an siam a, KKR tan Phil Salt-a'n ball 47-ah 89 runs siamin over 15.4-ah 162/2 runs siamin hnehna an chang. KKR hian point riat thoin hmuin pahnihnaah an awm a, CSK aiin match khatin an la khel tlem bawk.