Championship a la awm - Lza

Mumbai City-in league winner shield an hlawh chhuak zo lo a, Lallianzuala Chhangte erawhin beidawn phah nan a hmang lo. Mizo forward chuan, "Championship ber a la awm a, Pathian zarah hei hi chu kan chang ngei ang.

"Mahni khelmuala khel an ni a, Bagan khan chu chu an chhawr ṭangkai. Keimah lamah tak chuan ka buai phah lo a, mipui an tam poh leh inkhelh hi chu nuam ka ti zawk ṭhin," tiin Vanglaini a hrilh.

Mumbai midfielder Lalengmawia Ralte chuan, "A uiawm duh khawp mai. Fans an ngah bawk nen, an muala khelh chu an chhawr ve deuh. Mahse, semifinal kan lut tawh a, champion kan la beisei e," tiin Vanglaini a hrilh ve bawk.

Thawhṭanni zan inkhelah Mumbai tan Lza leh Apuia ten inkhel bul an ṭan a, minute 69-naah Hmingthanmawia Ralte (Valpuia) chu bench aṭangin a lut bawk a, Mizo defender hi a khel chhe lo.