Damdawi in aṭangin Ndicka a chhuak

AS Roma defender Evan Ndicka chuan damdawi in a chhuahsan thei ta a, engtik hunah nge a inkhelh leh theih dawn tih erawh engmah sawi lan theih a la ni rih lo.

Pathianni zana Roma leh Udinese te 1-1 a an inhnehtawk laiin Ndicka hi a awm a na a, khelmualah a tlu - a tirah chuan lungphuchawl vanga tlua ngaih a ni, mahse a dinhmun endik a nih hnuah lungphuchawl erawh a ni lo thung.

Roma chuan thuchhuah siamin, "Ndicka chuan damdawi in a chuahsan fel thei a, hun harsa kan tawh laia min thlawptute chungah lawmthu kan sawi, a bik takin Udinese leh referee Luca Pairetto chungah kan lawm," an ti.

Ivory Coast interna-tional hi minute 72-naah a tlu a, an inkhel chhunzawm ta lo. Serie A dan leh hrai ang chuan an khelh hmabak minute la awm hi remchang dangah an khel leh ang.