Hockey Mizoram tan chawimawina

Hockey India Congress vawi 10-na neih zawh takah Hockey Mizoram chu 'Best Hockey India Member Unit' chawimawina hlan an ni a, ram chhung association hrang hrang zinga tiṭha chawimawina dawn hi rahbi pawimawh a ni.

Hockey India hnuaiah hian permanent member bik 29 an awm, chung zingah chuan khelmual bakah player-te tana inzirna tur hmanrua leh an mamawh hrang hrang buatsaihsak kawngah Mizoram hian an thawk ṭha hle.

Hockey Mizoram president Zothankimi chuan, "Player naupang zawkte chherchhuah kawnga kan hnathawh ve hram hram chuan hriat a hlawh ve a, chung zarah chuan chawimawina kan dawng. Hockey India lamin min beiseina ang hi kan theihtawpin tih hlawhtlin kan tum," tiin a sawi.

Mizoramah hian Hockey Training Center, Thenzawl leh Boys Hockey Acedemy, Kawnpuite chu ngelnghet taka kalpui mek a ni. Thenzawl aṭang hian Indian senior player Lalremsiami Hmar chu player langsar ni lai a ni.

Thenzawl aṭanga inzir chhuak player ṭha an awm nual tawh, tunah hian he hmun aṭanga bul ṭan Lalrindiki, Marina Lalramnghaki leh F. Ramenmawii te chu India junior team-ah an awm mek.