Xavi aia hawi sang Enrique

Barcelona leh PSG inkhelh hmain Luis Enrique-a'n an khingpui manager Xavi aiin Barca ai a awh zo zawk niin a sawi. Kum 53 mi hian Barca tan kum riat a khel a, kum 2014 leh 2017 chhung khan Catalan club hi enkawlin Xavi hi a player pawimawh zinga mi a ni.

Xavi hian Barca tan match 500 chuang a khe la, nomawi lian tham 20 chuang a chawi. Mahse, Enrique hian coach a nihna ang chuan tu nge a nih ka hre lo, tiin inkhelh hmain a sawi hial.

UCL quarterfinal-ah PSG-in Barca an hneh a, Enrique a pawr ta zawk. PSG boss chuan, "Red card pawh kha hmu lo mah se PSG an chak tho ang," tiin a sawi a, Xavi-a'n Barca hi hun rei tak enkawl se, a tih thu a sawi bawk.

Hemi chungchang inkhelh banah Xavi an zawt a, Barca boss chuan a pawm loh ve ve thu a sawi. PSG hneh loh vang hian season tawpa chuak tura an sawi Xavi hian Catalan club hi a chhuahsan ngei a rinawm ta zawk. Chutihrualin Xavi chuan, "Danglamna thlentu chu red card a ni," tiin a sawi a, referee thutlukna vanga chak loah a inngai.