Buttler hoin Rajasthan Royals an chak

ball hnuhnung ber vawm hma chuan chak zawk tur a la chiang lo - hun pawimawh laiah Jos Buttler chu Rajasthan Royals tan a rawn ding chhuak a, run 107 hlap chhuakin Kolkata Knight Riders chu wicket hnihin an hneh.

Thawhlehni zan Indian Premier League (ISL) inkhelah Rajasthan Royals hi ṭum vawrah an vannei zawk a, vawm hmasak an thlang. Over 20 chhunga run 223 siamin mi paruk an in hloh, ball 56 a hmachhawn aṭanga run 109 siamtu Sunil Narine a che ṭha hle.

RR lam vuak hun a thleng, wicket an ikn hloh nual avangin an dinhmun a derthawng angreng hman hle. Mahse, Buttler-a'n over hnuhnung pathuma ball a hmachhawn apiangah run a siam chhuak vek a, ball hnuhnung berah run khat an mamawh chu a siam bawk.

Hmanni deuh mai khan Buttler hian Royal Challengers Bangalore lakah run 100 a lo siam tawh bawk a, hemi ṭum hian a out lo. Tun ṭumah hian ball 36 aṭanga run 96 tehmeuh an mamawh an siam chhuah theih avangin mamawh chhanna a ni chiang hle.

Kum 33 mi Jos Buttler chuan, "A pawimawh ber chu beiseina nung neih kha a ni. A nihna takah chuan a tir lamah khan ka che hleithei bik lo, ka boruak tawn kha a fuh hun tur dawhthei takin ka nghak hram hram.

"IPL-ah hian thil mak leh danglam tak tak a lo thleng tawh ṭhin. Tun hmain Dhoni leh Kohli te pawhin thil mak an lo ti tawh ṭhin a, a tawp thlengin an beidawng ngai lo, tunah chuan kan hun a inherchhuak ve a ni," a ti.

IPL hmahruai mektu Rajasthan Royals hian April 22, Thawhṭanni zanah Mumbai Indians an hmachhawn leh ang.