Europa Conference League

Aston Villa chuan zanin dar 10:15 hian Lille an lenchilh dawn. Unai Emery naute tan hian Europa Conference League semifinal lut turin an goal neih sa humhim a tawk a, tlang turin beiseina pawh an nei sang hle ang.

Villa hian Premier League lamah Arsenal an luhchhuah zo hlim chauh a ni a, khualmualah pawh an hlauhawm tih a takin an lantir zo chiah - Ligue 1 club pawh hi luhchhuah thei tura ngaih an ni, chutihrualin kawng awlsam tak erawh a ni bik lo ang.

Spanish manager Emery hian European football-ah tawnhriat a nei ṭha, tun hmain Sevilla chu a zawnin Europa League nomawi vawi thum ngawt a chawipui tawh. Hei bakah hian Villarreal pawh a champion pui tawh bawk.

A tawi zawnga sawi chuan Emery hian European football a ngam a, champion dan pawh a hria. Champion duh Aston Villa tan ani aia manager thlanawm hi an tam bik kher lo ang, chuvangin zaninah pawh goal an nawr nat leh ngei a rinawm.

EPL table-ah Villa hi palina an ni mek, match 33 aṭangin point 63 an hmu - an hnuaia awm Tottenham nen an inthlauhna chu point thum niin Spurs hi match khatin an khel tlem zawk; league ngaihpawimawh chungin player an inrem erawh a ngai dawn.