Saints beisei a la bo lo

Southampton chuan season tharah Premier League khelh leh ngei an tum tih an pholang a, Thawhlehni zan khan Preston North End chu 3-0 ngawtin an sawp - table-ah palinaah an awm zui a, pahnihna china awm Leicester City chu point li chauhin an phak lo tawh.

Saints tan Che Adams chuan goal hnih khungin, Stuart Armstrong chuan goal khat a thawh ve bawk a, hun tawp thlenga goal dang lut loin, 3-0 in Southampton an chak.

Southampton hian pahnihna Foxes nen match 42 ve ve an khel tawh, anni aia match khata khel tam, hmahruaitu Ipswich Town pawh point nga chauhin an phak lo - Championship-ah match 46 khelh ṭhin a ni a, boruak a 'hot' chho sawt hle.