Sunrisers tan Williamson

Indian Premier League eliminator round-ah Sunrisers Hyderabad-in Royal Challengers Bangalore chu wicket rukin an hneh. Hyderabad hian nizan khan qualifier 2-ah Delhi Capitals an hmachhawn a, heta chak zawk hian final-ah Mumbai Indians an hmachhawn ang.

Sheikh Zayed Stadium-ah Sunrisers ṭhumvawrah an vannei a, vawm hmasak an thlang. Bowler pahnih Jason Holder (25/3) leh Thangarasu Natarajan (33/2) te chet ṭhat zarah Bangalore-in run 131/7 chauh an siam.

India captain Virat Kohli-a'n Bangalore tan bul ṭan mah se run ruk chauh a siam a, AB de Villiers (56) leh Aaron Finch (32) te che ṭha mah se thlawptu ṭha an nei lo.

Bangalore-in bowler ṭha Adam Zampa (12/1) leh Yuzvendra Chahal (24/1) te an kawl avangin Sunrisers-in awlsam takin hnehna an chang lo. New Zealand captain Kane Williamson-a'n pressure sangah thi loin run 50 a siam a, run 132/4 siamin ball hnih bangin Sunrisers-in hnehna an chang.