Azarenka an dang thei lo

Madrid Masters khelh mekah hmeichhe player langsar pahnih Agnieszka Radwanska leh Angelique Kerber te an match hmasa berah chak lo nghal mah se seeded palina Victoria Azarenka erawhin harsatna tawk loin third round a inhlangkai.

Thawhṭanni zan inkhelah Azarenka hian minute 90 chhungin Alize Cornet chu 6-3, 6-2 in a hneh a, tun hnaiah a zawnin match 16 chhung hneh loh a tawng tawh lo.

Auatralian Open cham-pion vawi hnih lo ni tawh Azarenka hi kuminah a khel ṭha hle a, Indian Wells leh Miami-ah te a lo champion tawh. Madrid-ah hian world number 1 Serena Williams chu damlohna vanga a inlan theih loh avangin Azarenka hi champion tura rinkai ber a ni mek.

Beisei loh result kan hmuh pakhat chu seeded 14-na Ana Ivanovic chak lo hi a ni. WTA ranking-a 130-na American Louisa Chirico lakah world number 1 hlui Ivanovic hi 5-7, 6-1, 6-3 in a chak lo. Chirico hianAzarenka a hmachhawn zui leh ang.

Inkhel dangah cham-pion lai Petra Kvitova pawhin hnehna a chang ve zel a, Russian Elena Ves-nina chu 6-3, 6-3 in a lo hneh ve bawk. Wim-bledon champion vawi hnih lo ni tawh Kvitova hian kar hmasa khan Stuttgart-ah semifinal a lut a, mah se a hlawhtling lo. Coach thar David Ko-tyza kaihhruaina hnuaiah clay-court season a hmang ṭha chho dawn hle niin a lang. Kvitova hian Australian Daria Gavrilova a hma-chhawn leh ang.