Mizoram an chak zel

67th Junior National Basketball Championship chu Puducherry-ah khelh chhunzawm zel a ni a, Mizoramin an match hmasa bera Tripura (72-71) a an hneh hnuah Thawhṭanni khan Bihar chu 53-49 in an hneh.

Mizoram hian nimin khan Himachal Pradesh an hmachhawn a, result erawh kan hre hman lo. India ram pum huap kum hnuai lam inelnaah hian Mizoram hi Group E-ah Himachal Pradesh, Tripura leh Bihar nen an awm ho a, group khat aṭangin team pakhatin semifinal an lut ang.