Federer a inhliam

Grand Slam vawi 17 champion tawh Roger Federer chu Madrid Open khel ngei tura ngaih ni mah se hun tep ter tawh takah a hnungzâng na vangin a inhnukdawk.

Kum 34-a upa Fede-rer hi kumina major tour--nament hmasa ber Aus-tralian Open zawhah khan a khup zai a ni a, a hliam dam hnua a vawi khat nan thla hmasa khan Monte Carlo Open-ah a inlan ve leh chauh.

French Open inpuah-chah nan May 9-15 chung hian Rome Open khelh tur a la awm dawn a, he hunah chian a inkhelh theih ngei beisei a ni.

Kum 2012 Madrid Open champion Federer chuan, "Harsatna leh natna nei loin Madrid ka pan a, mahse Inrinni khan darkar khat leh minute 15 ka practice hnuah ka hnuzâng a rawn na. Nilainia inkhel zui nghal tur chuan ka taksa a inpeih hman lo a, ka inhnuhdawh a ngaih phah ta a ni. Rome-a inkhel ngei thei tura chawlh hahdam ka mamawh ta zawk a ni," tiin hun chep tawh tak kara a inhnuhdawh chhan a sawi.

Madrid Open-ah hian player langsar tak tak Rafael Nadal leh champion lai Andy Murray te chuan nizan khan an match hmasa ber an khel a, he thu ziah lai hian result kan hre hman lo.