NBA Conference Semifinals Spurs lakah Thunder thochhuak hram

Nimin zing khan NBA Conference Semifinals inkhel pahnih a awm a, Oklahoma City Thunder chuan Game 1-a an hneh loh tawh San Antonio Spurs lakah 98-97 ahnehna changin series-ah 1-1 chiah a ni ta. Inrinni zingah Game 3 an khel leh ang.

AT&T Center, San Antonio-a inkhelah Game 1-a inkhel entu zat 18,418 tho an pungkhawm leh! Quarter hmasa berah Thun-der chu a che fuh hma-sa zawk-ah ṭangin 29-21 in hma an hruai. Spurs an in-tuai harh nghal a, 32-27 in second quarter an la let ve thung.

Quarter hnuhnung pahnihah Thunder hian point 42 hmuh belhin Suprs lamin point 45 hmuh belh ve bawk mah se Thunder hian quarter hmasa bera point riat ngawta an lo san fal tawhna an chhawr ṭangkai ta a ni.

Inkhel dangah Atlanta Hawks leh Cleveland Ca-valiers ten Quic-ken Loans Arena-ah Game 1 an khel ve thung a, LeBron James-a point 25 score hmangin Cavaliers chuan 104-93 in hnehna an chang. Ningani zingah Game 2 an khel ve leh thung ang.