Atletico de Kolkata-ah Villarreal coach hlui

Indian Super League club Atletico de Kolkata chuan Pune City laka an coach Antonio Habas an chan hnuah Villarreal coach hlui Jose Francisco Molina chu an coach thar ni turin an dawr a, he chan-chin i chhiar meuh chuan Spanish manager hian Kolkata club-ah hian contract a ziak tawh hial mai thei.

Kum 45-a upa mana-ger hian player a nih laiin Atletico Madrid tan La Liga leh Copa del Rey nomawi a lo chawi tawh a, Deportivo-a a insawn hnuah Copa del Rey leh Spanish Super Cup-ah a champion leh bawk.

La Liga-a a Atletico a champion pui ṭum hian best goalkeeper-ah thlan a ni a, Spain tan vawi kua inlanin kum 1998 World Cup leh Euro (1996 &2000)-ah te squad-ah telh a ni.

Kum 2007-a inkhelh a chawlhsan hnuah Valencia aṭanga loan-a a lo khelh tawhna Villarreal C team-ah a coaching career a
ṭan a, senior team thlengin enkawl chho hman mah se kum 2011-ah khan ban a ni. Season hmasa khan Hong Kong Premier League club Kitchee SC enkawlin AFC Cup-ah Indian club East Bengal a lo hmachhawn tawh.