Odafa aiah Ndidi Chukwuma

Sporting Clube de Goa chuan Federation Cup khelh mekah hliam vanga an striker rinrawl Odafa Okolie an chhawr theih loh avangin a aiawh turin Nigerian striker tho Clifford Chukwuma an la lut.

Goan club coach Mateus Costa chuan Federation Cup-a Odafa an chhawr dawn loh chhan sawiin, "Chawlh pek kan duh a ni. Season
ṭan dawn khan hliam tenau a nei daih tawh a, East Bengal lakah kan khelh luihtir a, amah pawn nuam a ti lo hle. Player career chungchangah risk lak kan duh loh avangin a chawlh hahdam hi a ṭha zawk a ni," tiin Nigerian striker chungchang a sawi.

Costa chuan Nilainia Mumbai FC an mikhual tur thlirlawkin tun hnaia inhliam Syrian midfielder Mahmoud Al Amenah chungchang a sawi lang nghal a, "Tunah chuan club training a zawm leh tawh a, Mumbai kan hmachhawn hunah chhawr theih ngei kan duh a ni," a ti.

Sporting Goa hian Fe-deration Cup-a an match hmasa berah Mumbai chu khualmualah Sumeet Passi goal hmangin 1-0 in an hneh a, vawiin tlai dar 4:30 hian Goa-ah second leg an khel leh ang.

Hetihlai hian East Ben-gal laka 2-1 a hnehna chang tawh Shillong Lajong chu tlai dar 4:30 vek hian Kolkata khawpuiah an lenglut dawn bawk a, Federation Cup semifinal lut turin Meghalaya club tan goal chhuah loh a tawk.