Kolkata chakpuitu Yusuf Pathan

Thawhṭanni Indian Premier League inkhelah Kolkata Knight Riders tan Yusuf Pathan a langsar a, Indian batsman hian run 60 vaw chhuakin Royal Challengers Bangalore lakah a team hi wicket ngain hnehna a chanpui.

M.Chinnaswamy Sta-dium, Bengaluru-a in-khelah bat hmasa zawk RCB-in over 20 chhunga run 185 siamin mi pasa-rih an hloh a, ball 32 a hma-chhawna run 52 siamtu Lokesh Rahul leh ball 44-a run 52 siamtu Virat Kohli-te an khel ṭha hle bawk.

Kolkata tan target hi tam tham tak angin lang mah se over 19.1-ah Gautam Gambhir-a captain-na hnuaia khel team hian an target an umpha der a, ball 29-a hmachhawna run 60 siama a tawp thleng dam Yusuf Pathan a khel ṭha takzet a, run 37 siamtu Gambhir leh run 39 siamtu Andre Russell-ten an pui ṭha hle.

Zanin IPL-ah inkhel pakhat chauh a awm dawn a, zan dar 8:00-ah Kolkata Knight Riders chuan Kings XI Punjab an hmachhawn ang.