Premier League hmahruaitu Saints

Zirtawpni zan khan Southampton-in an mual St Mary's Stadium-ah Newcastle United 2-0 in an hneh. 

Saints tan hian Che Adams leh Stuart Armstrong ten goal an khung a, match riat khelh aṭangin point 16 hmuin hmahruaitu an ni.

Southampton tan chanchin duhawm a ni a, tun hi Premier League-a hmahruaitu an nih vawi khatna a ni a, English top flight-ah erawh kum 1988 kha pakhatna dinhmun an luah hnuhnun ber a ni thung.

Southampton mana-ger Ralph Hasenhuttl chuan, "Table-a kan awmnaah hian fan-te pawh an lawm khawp ang. Chutihrualin result ṭha duhin kan tui hal chhunzawm a ṭul. Sum tam tak seng lo mah ila tun dinhmun thleng tur hian kan thawkrim em em a ni," tiin a sawi.

Nizan khan Liverpool leh Manchester City an inkhel a, Jurgen Klopp-a hoten point an hmuh chuan Saints hmahruaina hi a tawp ang. Leicester City leh Tottenham te pawhin Southampton hi an lehpel thei bawk.