NBA Conference Semifinals Blazers lakah Warriors vannei hram

Nimin zing khan NBA Western Conference Semi-finals khelh a ni a, Game 1-a hnehna chang tawhtu Golden State Warriors chuan Game 2-ah hnehna chang lehin Portland Trail Blazers chu 110-99 in an chang leh hram. Pathianni zing dar 6:00-ah Game 3 khelh tur a ni ang.

Oracle Arena, Oak-land-a inkhelah Blazers tan point guard Damian Lillard chuan point 25 a score bakah assist vawi ruk neiin CJ McCollum-a'n point 22 a thawh ve bawk a. Quarter thumna khelh zawh a nih thleng chuan 87-76 ngawtin hma hruai mah se quar-ter hnuhnung berah War-riors hi 34-12 ngawt a chungnung zawkin hneh-na an chang let daih a ni.

Warriors tan Dray-mond Green chu an chakna thapui niin Ameri-can power forward hian point 17 a score bakah rebound vawi 14 zet lain assist vawi sarih a nei bawk. Klay Thompson-a'n quarter hnuhnung berah point 10 score-in inkhel pumpuiah point 27 a nei bawk.

Eastern Conference Semifinals Game 1 inkhelah Miami Heat leh Toronto Raptors an inkhel tawk takzet a, quarter li an khelh zawh hnuah 90-90 a nih avangin overtime khelh a ngai hial.

Overtime-ah Heat an che fuh zawk a, point 12 hmuh belhin a pumpuiah 102-96 in hnehna an chang. Zirtawpni zing dar 5:30-ah Game 2 khelh leh a ni ang.