Nadal leh Murray chak phawt

Madrid Open khelh mekah Thawh-lehni zan khan Rafael Nadal leh Andy Murray te chuan an match hmasa ber an khel a, third round an inhlang kai ve ve.

Clay court tennis inel-naah hian champion lai Murray hian awlsam takin hnehna a chang ngawt bik lo. Kum 37-a upa Radek Stepanek hneh turin darkar hnih leh minute 16 zet a mamawh a, set hmasa ber a hloh hnuah 7-6, 3-6, 6-1 in a chak hram.

World number 2 Murray chuan, "Kuminah ka inkhelh tam tawk loh avangin a harsa hle a, inkhel hautak tak a ni," a ti. Britain number 1 hian seeded 16-na Gilles Simon a hmachhawn ang.

Nikum final-a Murray hneh lotu Nadal pawhin minute 79 chhungin Andrey Kuznetsov chu 6-3, 6-3 in a hneh. Grand Slam vawi 14 champion tawh Nadal hian tun hnaiah a khel ṭha tluang hle a, Barcelona Open leh Monte Carlo-ah te hlawhtlinna changin French Open atan a inbuatsaih ṭha rih hle.

Inkhel dangah Juan Mar-tin del Potro chuan Dominic Thiem chu 7-6, 6-3 in a hneh a, US Open champion hlui hian hnehna chang turin darkar khat leh minute 45 a mamawh.