Aegon Championship khel tur an hrawl

Tennis star ten clay court season an hman mek laiin thla leh lam a- ṭang chuan grass lam an hawi leh tawh dawn a, June 13-19 chhunga khelh tur Aegon Championship-ah player langsar an fuankhawm dawn.

Wimbledon inbuatsaih nana an hman ṭhin he inelnaa tel tur hian champion lai Andy Murray bakah ATP ranking-a a sang zual 10 zinga mi Rafael Nadal, Stan Wawrinka, Jo-Wilfried Tsonga leh Milos Raonic te pawhin an tel tur thu an sawi tawh.

Champion beisei ngam tur ṭhah Marin Cilic, Juan Martin del Potro, Richard Gasquet, John Isner leh Nick Kyrgios te pawhin inlan an tum avangin kumin Aegon Championship hian ngaihven a hlawh zual hle tura ngaih a ni.

Kum 28-a upa Murray hi he inelnaah hian vawi li champion tawhin kuminah hian a champion leh a nih chuan record nei ṭha ber a ni ang.

Season khat chhunga Garnd Slam tournament pali an khelh
ṭhin zinga grass court-a an khelh awm-chhun Wimbledon hi June 27 aṭanga July 10 chhunga khelh tur a ni.