Arsenal midfielder Cazorla a dam

Thla ruk dawn a in-khelh theih loh hnuah Arsenal midfielder Santi Cazorla chu khelmual chhungah a hmel kan hmu leh ta a, Thawhlehni zana Arsenal Under-21 team-in Blackburn 2-1 a an hneh ṭumin darkar khat chuang harsatna nei loin a inkhel.

Nikum Novenber thlaa Norwich nen an in-khelh ṭumin Spanish international hian a khupah hliam a tuar a, hemi hnua a inkhelh lehna hmasa ber a ni. Cazorla bakah hian Tomas Rosicky leh Calum Chambers te pawh an inlan bawk.

England international Alex Oxlade-Cham-berlain pawh la inkhel thei chiah lo mah se trai-ning a zawm leh thei tawh a, Premier League inkhelh hmabak pahnihah a inlan beiseiawm vak loh mah se Euro khel turin beiseina a nei thung ang.