Olympic-ah Messi inlan dawn lo

Argentina coach Gerardo Martino chuan captain Lionel Messi tan Copa America leh Rio Olympic-a inlan kawp chu a hautak dawn lutuk avangin Brazil-ah a kal ve loh tur thu a sawi.

Barcelona thiampuipa Messi hian kum 2008 Olympic-ah khan an ram chu gold medal a lo lak pui tawh a, kuminah erawh a hmel kan hmu dawn lo. US-a neih tur Copa America lamah a inlar zawk dawn a ni.

A captain chungchang sawiin Martino chuan, "Leo hi Olympic khel ngei turin ka duhsak a, mahse Copa khelh a ngaih bawk avangin ngun taka ngaihtuah a
ṭul. Inbiakna kan neih hnuah tournament pakhat zawka inlan lo turin thutlukna kan siam fel ta a ni," tiin a sawi.

Brazil captain Neymar pawh tournament lian pahnihah hian a inlan kawp thei dawn lo a, mahse Messi ang lo takin khawvela ram leh ram football hmanga inelna upa ber Copa America aiin an rama khelh tur Olympic-ah a inlan zawk thung ang.