Enrique-a'n khaw dang a hawi lo

Luis Enrique-a'n tun hnaiah duhthusam ang result a neih theih loh avangin season tharah a chhuak dawn tih thawm a awm leh hman a, mahse hei hi thu leng vak mai niin a lang.

Spanish manager hian season hmasa
ṭan dawn khan Tata Martino thlakin Barce-lona enkawl hna a thawk ṭan a, a season khatnaah La Liga, Champions League leh Copa del Rey nomawi an chawi vek.

Kuminah erawh Cham-pions League quarterfinal-ah Atletico Madrid an hneh lo a, league-ah pawh Atletico nen tho inelin point 85 ve ve an hmu mek.

Barca president Josep Maria Bartomeu lung a tihawi em avangin kum 2017 thleng cham turin contract a nei mek a, tihtawp lam ai chuan club chhunga player senior leh langsarte nen season thara club enkawl dan tur an ruahman ṭan leh mek tawh zawka ngaih a ni.

Enrique hian contract thar a ziak a nih chuan a hlawh a pun dawn mai bakah player lakluh chungchangah thuneihna sang zawk a neih belh ngei tura rin a ni nghe nghe.