Gujarat barakhaihtu Daredevils

Thawhlehni zan khan Indian Premier League-ah hmahruaitu Gujarat Lions chelh dinin an awm a, Delhi Daredevils chuan wicket riatin an hneh.

Saurashtra Cricket Association Stadium, Raj-kot-a inkhelah bat hmasa zawk Gujarat-in over 20 chhungin run 149 an siam a, mi pasarih an hloh.

Gujarat tan ṭum danga che ṭha ṭhin Brendon McCullum chuan run khat a siam hman chauh tihin a out a, ball 43-a run 53 siam thei Dinesh Karthik chu batsman che ṭha awmchhun a ni.

Delhi Daredevils tan Gujarat target siam zat umphak harsa a ni lo a, over 17.2 chhunga run 150 siama mi pahnih chiah hlohin an chak chiang hle. Delhi tan opening batsman pahnih Quinton de Kock (46 runs) leh Rishabh Pant-ten (69 balls) an hna an thawk
ṭha a, awlsam takin an team hi hnehna an chanpui.

Zanin Indian Premier League-ah inkhel pakhat chauh a awm dawn a, Kol-kata Knight Riders chuan Eden Gardens, Kolkata-ah zan dar 8:00 hian Kings XI Punjab an mikhual ang.