Thawhlehni tlaiah Aizawl FC Vs Sporting Goa

Federation Cup semifinal chu rua-hmanna hmasaah May 7, Inrinni tlaia khelh tur ni mah se Ten Sports lama pekchhuah a nih theih nan Aizawl FC leh Sporting Goa inkhelh hun hi May 10, Thawhlehni tlai dar 3:00-ah sawn a ni.

Goan club Sporting Goa hian Mizo--
ram an rawn tlawh hmasak ṭumin Nicho-las Fernandes leh Loveday Eyinnaya te goal hmangin Aizawl FC hi 2-0 in an hneh a, an khelmual Tilak Maidan Stadium-ah 1-1 in an inhnehtawk.

Aizawl FC coach Jahar Das chuan, "Eng team pawh hmachhawn ila, kan huphurh lo. Sporting Goa hmachhawn tur hian inpuahchahna hun ṭha tak kan nei a, kan hun neih hi kan hmang ṭangkai ang," tiin Vanglaini palai a hrilh.

Sporting Goa hian semifinal thleng turin Mumbai FC chu khualmualah 1-0 in an hneh a, nimin tlai khan Goa-ah 1-0 in an chak leh bawk.

Sporting Goa hian nimin tlai inkhelah hian second half ṭan tirhah penalty an hmu a, Subhashish Bose chuan goal-ah chantirin Mumbai FC-in goal an khung ve lo.

Thlirna Tawi

Semifinal

Aizawl FC Vs Sporting Goa

East Bengal/ Vs Mohun Bagan/

Shillong Lajong Salgaocar

Quarterfinal - Results

Bengaluru 2-3 Aizawl FC

BFC : CK Vineeth 28'; Sunil Chhetri 74'

AFC : Joel Sunday 26', 37'; David Lalrinmuana 49'

Aizawl FC 2-1 Bengaluru FC

AFC : Alfred 38'; Joel Sunday 90'

BFC : Eugenson Lyngdoh 15'

Aizawl FC aggregate-ah 5-2 in an chak

Sporting Goa 1 - 0 Mumbai FC

SCG : Subhashish Bose 46'

Mumbai 0 - 1 Sporting Goa

SCG : Sumeet Passi 90'

Sporting Goa aggregate-ah 2-0 in an chak