Hammer of the Year Payet

Dimitri Payet chu West Ham United-in an club player of the year atan an thlang.

West Ham-in Thawhṭanni zan khan London Hilton Hotel-ah player ṭha chawimawina hun an hmang a, French midfielder Payet a langsar ber.

Kum 29-a upa Payet hian hammer of the year bakah players' player of the year, signing of the season, top goalscorer leh goal of the season award a dawng. Goal of the season-ah April thlaa Crystal Palace lama Payet-a freekick pet goal chu thlan a ni.

Payet hian London club tana a season khat-naah goal 12 a khung bakah assists vawi 13 zet a nei a, kum 1978 hnua West Ham player zinga Premier League team of the year a lang leh thei hmasa ber a ni nghe nghe.