Argentina squad-ah Carlos Tevez?

Argentina-in Copa America Centenario khel tur player 40 awmna probables squad an puang a, Juventus striker hlui Carlos Tevez a tel.

Kum 32-a upa Tevez hi coach Gerardo Martino hnuaiah Para-guay nen October thlaa World Cup Qualifier an khelh hnuah khel-mual chhungah a la inlan leh lo. Chutihrualin Manchester United striker hlui hian Boca Juniors tan inlena hrang hrangah match thum chiah inlan mah se goal thum a khung avangin tun ṭumah hian koh tel a ni.

Argentina squad-ah mipui bara-khaih tur pakhat mah a awm lo. Beisei lawk ang ngeiin Barcelona duo Lionel Messi leh Javier Mas-cherano bakah hming nei tawh Ser-gio Romero, Marcos Rojo, Nicolas Otamendi, Pablo Zabaleta, Erik Lamela, Nicolas Gaitan, Javier Pastore, Sergio Aguero leh Gonzalo Higuain te chu telh an ni a, winger ṭha Ezequiel Lavezzi-a'n Chinese club Hebei China Fortune zawm mah se koh telh a ni bawk.

Argentina hi Chile, Panama leh Bolivia ten nen group khatah an awm ho a, June 6 hian champion lai Chile chu an match hmasa berah an hmachhawn ang.