IPL hmahruaitu thar Kolkata

Indian Premier League khelh mekah hmahruaitu thar an awm a, Nilaini zan khan Kolkata Knight Riders chuan hmahruaitu dinhmun luah turin Kings XI Punjab chu run sarihin an hneh.

Eden Gardens, Kol-kata-a inkhelah mualneitu an bat hmasa zawk a, KKR hian over 20-ah run 164 siamin mi pathum chiah an hloh. Kolkata tan opener pahnih Robin Uthappa (70 runs) leh Gautam Gambhir (54 runs)-te an khel ṭha takzet.

Punjab-in over 20 chhunga run 157 chiah tlina mi pakua an hloh avangin an target an um-pha lo a, chak lo zawkah an ṭan a ṭul ta a ni.

Kings XI tan Glenn Maxwell (68 runs) khel
ṭha thawkhat viau mah se batsman dangten Andre Russell an chelh lo a, Kolkata all-rounder hian over li a vawmah run 20 chiah pein wicket li a la a, KKR chak nan a thawhhlawk hle.