Ranieri hian chawimawi a phu - Italy PM

Italy prime minister Matteo Renzi chuan ro-pui taka Leicester City champion puitu Claudio Ranieri chuan chawi-mawi a phu thu sawiin Ita-lian manager hi an ram president Sergio Mattarella hnenah chawi-mawina pek tura a rawt chhuah tur thu a sawi.

Ranieri hian season hmasaa relegation battle sual club hi khawvel mak tih turin Premier League-ah a champion pui a, Italian manager leh a naute hnathawh ropui hi khawvelin a sawi bang thei lo.

Italy PM chuan, "Kan ram president Mattarella hnenah Ranieri-a'n chawimawi a phu thu hi ka la sawipui ang. Engtiklai pawhin rinna leh beiseina kan nei reng tur a ni tih min zirtirtu Italian pa ropui hian a hnathawhte hriat sak a phu a ni," a ti.

Hetihlai hian Ranie-ri chuan Leicester hlawh-tlinna chu Cinderella thawnthu ang mai a nih thu sawiin, "Cinderella vanneihna ang kha kan tawng bua ni maiin ka hria a, khawvela league hausa berah kan champion avangin khawvel hian mak a ti a ni. Ngaihruatna thawnthu ngaina mi ni lo mah ila ka beiseina erawh ka hloh ngai lo," tiin an champion dan chungchang a sawi.

Chelsea boss hlui chuan sawi chhunzawmin, "Ka nupui hnenah pawh Premier League champion kan nih ka rin thu ka sawi ngai lo a, a mak a ni. Season tharah chuan 10-na emaw a aia sang thlen kan tum ang," tiin a inngaitlawm hle.