Quarterfinal-ah Djokovic, Nadal leh Murray

7th May, 2016

World number 1 Novak Djo-kovic, Rafael Nadal leh Andy Murray te chuan an khingpui ṭheuh hnehin Madrid Open quarterfinal an lut.

Ningani zana tennis clay court tournament inkhelah kum 2011 champion Djokovic chuan Roberto Bautista Agut lakah 6-2, 6-1 in hnehna a chang a, kum-inah match 32 a khelh tawh
aṭanga ṭum 30 a chak^-na chiah a ni. Serbian thiampuipa hian semi-final lut tur chuan Milos Raonic a paltlang leh a ngai dawn.

World number 5 Nadal pawhin ATP World Tour Masters 1000 title 29-na la thei turin hmalam a pan zel a, Sam Querrey chu 6-4, 6-2 a hnehin Joao Sousa a hmachhawn leh ang.

Inkhel dangah cham-pion lai Murray chuan France tlangval Gilles Simon-a service chu set khatnaah chhuhsak nghalin set hnuhnung zawkah ṭum thum chhuhsak leh bawkin 6-4, 6-2 in hnehna a chang a, David Ferrer hnehtu Tomas Berdych nen an inhmachhawn leh dawn a ni.