Nomawi chawi tur Leicester City

Zanin dar 10:00-ah Leicester City-in Everton an mikhual dawn a, Premier League champion hian inkhelh zawhah champion no-mawi an chawi nghal dawn avangin inkhel tur ai chuan a chhehvel hian ngaihven a hlawh zawk!

Nimin khan Leicester mana-ger Claudio Ranieri chuan ṭum danga tih ṭhin dan angin inkhelh hma-in thuthar thehdarhtute a kawm a, journalist pungkhawmte chuan Italian manager hi an zahna lantir nan ding chungin an lo lawm.

'King Claudio' tia hminglem an vuah sak chuan an champion chungchang sawi chhunzawm nghalin, "He hmuna ka kal ṭantirh aṭang khan thil danglam tak a thleng dawn nia hriatna ka nei a, mah se league nomawi chawi erawh ka inbeisei lo. Hnehna ropui tak a ni a, kan thawhrim rah a ni," tiin an thawhrim vanga league nomawi chawi an nih thu a sawi.

Player langsar

Season tharah Leicester City-in Champions League an khel dawn a, khawvela club ṭha ber ber Barcelona, Real Madrid leh Bayern Munich-te inelnaa inlan tur Leicester hian player langsar zawk an mamawhah tam tak chuan an ngai.

Mahse, Ranieri chuan ngaih-dan dang nei thungin, "Player langsar ka duh hran lo a, ka player neihsate hi ka tan chuan an ṭha tawk a ni. Players ṭha tak tak lakluh chu kan ngai ngei a, mah se vawiina ka naute rilru puthmang ang hi an nei tur a ni," tiin a player-te a fak thiam hle.

Mahrez = out?

Leicester City-in Premier League nomawi an chawina kawngah Riyad Mahrez, Jamie Vardy leh N'Golo Kante-te an langsar a, player pathum hi club lian tam takin an hmu tai nghal.

Mahse, Chelsea boss hlui chuan, "Ka naute hi an chhuak lo ang tih ka chiang a ni. An hnenah ka sawi tawh a, team danga an kal chuan khelmualah an inlan tam lo ang," a ti.

Hetihlai hian PFA Player of the Year Mahrez-a agent Kamel Bengou-gam chuan a player chu Leicester-a a cham leh cham loh chu 50-50 a nih thu leh rimtu an ngah thu a sawi a, Ranieri chuan an hnena Mahrez cham zel chance chu 99% a nih thu a sawi thung.