Euro khel lo tur Chamberlain

Arsenal midfielder Alex Oxlade-Cham-berlain chu kumin nipui laia khelh tur Euro-ah a khup na vangin a inlan thei dawn lo.

England tana match 24 khel tawh Chamberlain hi February thlaa Barcelona nen Champions League last 16 an khelh ṭumin a khup a hliam a, tunkar khan training zawm ve leh tawh mah se a khup hi a tih nat leh avangin thla hnih vel bawr a chawlh a ngai leh dawn a ni.

June 10 khian France-ah Euro khelh ṭan a ni dawn a, England manager Roy Hodgson tan June 2 khi squad thehluh hun a nih tawh avangin Gunners player tan hmun a awm hman dawn lo.

Arsenal manager Arsene Wenger chuan, "Oxlade-Chamberlain hi kar ruk aṭanga kar riat chhung vel a chawlh leh a ngai dawn a, July thla tirah a inkhelh ve leh theih dawn chauh a vangin atan Euro khelh thei a ni lo ang. Ani inkhel thei lo tur hi England tan chuan channa nasa tak a ni dawn a, a hna thawh tawh leh a ṭhahnem ngaihna hi team tan a
ṭangkai ṭhin hle, a pawi takzet a ni" tiin a player inhliam nawn thu a sawi.